Frantsııadaǵy ereýildiń bir kúni munaıshylarǵa 100 mıllıon eýro shyǵyn ákelýde
ASTANA. Qazannyń 22-si. QazAqparat - Frantsııa Senaty búgingi otyrysynda zeınetaqy reformasynyń taǵdyryn sheshedi. Zań jobasy boıynsha daýys berýdi ári qaraı keshiktirý tym qymbatqa túsip otyr -ereýildiń ár kúni eldiń munaı-hımııa ónerkásibine 100 mıllıon eýronyń shyǵynyn ákelip otyr, dep habarlaıdy «Maıak» radıosy.
Eldiń eńbek mınıstri Senat múshelerine daýys berýdi tezdetýdi jáne kóptegen túzetýlerdi qaraýǵa «kidirip qalmaýdy» usyndy.
Degenmen, frantsýz kásipodaqtary da alǵan betterinen qaıtar emes. Olar qazannyń 28-inde jáne qarashanyń 6-synda taǵy eki jalpyulttyq ereýilder ótkizetinin jarııa etti. Eldiń barlyq óńirinde ótip jatqan narazylyq sharalaryna 1 mıllıonnan astam adam qatysýda.
