Frantsııadaǵy daýyl: 7 departamentte qaýiptiliktiń joǵary deńgeıi engizildi
PARIJ. QazAqparat – Jeksenbi kúni Frantsııanyń jeti departamentinde «Bella» daýylyna baılanysty aýa-raıy qaýpiniń qyzǵylt sary deńgeıi jarııalandy. Bul týraly Meteo France ulttyq meteorologııalyq qyzmeti málimdedi, dep habarlaıdy QazAqparat.
Jeti departamenttiń qatarynda senbide jeldiń ekpini 27 m/s-qa jetken Fınıster jáne Mansh, sondaı-aq Averon, Kantal, Korrez, Lozer jáne Pıýı-de-Dom bar. Bul aımaqtarda, sınoptıkterdiń boljaýynsha, kúndiz qar jaýyp, joldardy muz basady dep kútilýde. «Keıbir jerlerde qar jamylǵysynyń bıiktigi 40 sm-ge jetedi», - dep eskertti meteoqyzmet.
Meteo France jeksenbi kúni Frantsııanyń batys jaǵalaýynda jeldiń jyldamdyǵy 33,3 m/s-qa jetedi dep habarlady. Keıbir departamentterde sondaı-aq nóser jańbyr jaýýy yqtımal, bul sý tasqyny qaýpin týdyrýy múmkin.
