Frantsııadaǵy Bordo qalasynyń ortalyǵynda birneshe ǵımarat órtendi
NUR-SULTAN. QazAqparat - Frantsııanyń Bordo qalasynyń ortalyǵynda 25 mamyrda órt shyǵyp, alapat jalyn birneshe ǵımaratty sharpydy. Bul týraly Franceinfo habarlady.
Órtti sóndirýge 100 órt sóndirýshi tartyldy. Qazir tilsiz jaý aýyzdyqtaldy. Órtten shyqqan tútin saldarynan jaqyn mańdaǵy 50 ǵımarattan adamdar evakýatsııalandy.
Órttiń sebebi ázirge belgisiz. Qala meriniń orynbasary Ann-Marı Kazale órt shyqqan ǵımarattyń bir bóligi qulaǵanyn aıtty. Oqıǵa bolǵan aýmaqty polıtsııa qorshaýǵa aldy.
Qutqarýshylar ázirge zardap shegýshiler týraly aqparattyń joqtyǵyn málimdedi.
Budan bólek, BAQ kýágerlerdiń órt bastalǵannan keıin bir saǵat ótken soń ǵımarattardyń birinde jarylys bolǵanyn estigenderin habarlady.
