Frantsııadaǵy atystan 3 adam qaza taýyp, bireýi jaralandy
BRıÝSSELЬ. QazAqparat – Frantsııanyń ońtústigindegi janarmaı quıý stantsııasynda bolǵan atys saldarynan 3 adam qaza taýyp, bireýi jaralandy, dep habarlaıdy «QazAqparat» HAA-nyń menshikti tilshisi jergilikti Var-Matin gazetine silteme jasap.
Atys jeksenbi kúni saǵat 20:00 shamasynda Olıýl qalasyndaǵy janarmaı quıý stantsııasynda bolǵan. Qaza tapqandardyń ekeýi – týrıster. Olar sol mańda qydyryp júrip abaısyzda oqqa ushqan.
Tórtinshi adam aýyr jaralanyp, Týlon qalasyndaǵy Sent-Ann áskerı gospıtaline jetkizilgen.
Frantsııa ishki ister mınıstri Krıstof Kastaner Twitter-degi paraqshasynda «qylmyskerlerdi ustaýdyń búkil amaly qarastyrylyp jatqanyn» málimdedi.
