Frantsııadaǵy Alpi taýynda oqýshylar qar kóshkini astynda qaldy
ASTANA. QazAqparat - Frantsııadaǵy Alpi taýynda oqýshylar qar kóshkini astynda qaldy, dep habarlady Lenta.rý.
Eki adam qaza tapty. Olar - lıondyq 14 jastaǵy mektep oqýshysy men toptan bólek júrgen shańǵyshy. Kóshkin astynda qalǵandardyń barlyǵy jylý sáýlelendirgish qurylǵy kómegimen tabyldy, bes adam aýyr jaraqat alǵan, dep málimdedi NBC News.
Keıinnen jaraqatynyń aýyrlyǵynan taǵy bir mektep oqýshysy qaza tapty, dep habarlady TASS jergilikti bılikke silteme jasap.
2015 jylǵy qańtarda «Keras» tas jolynan ótip kele jatyp, alty shańǵyshy kóshkin astynda qalyp, barlyǵy ajal qushqan. 2012 jyly shildede Mon-Modı taýynyń shyńyna shyqpaqshy bolǵan alpınıster kóshkinge tap bolǵan, ol kezde toǵyz adam qaza taýyp, sonsha adam jaraqat alǵan bolatyn.
