Frantsııada jumystan keıin qyzmetkerge mekemeniń e-poshtasyna jaýap bermeýine ruqsat beriledi
ASTANA. QazAqparat - Frantsııada jaldamaly jumysshylardyń jumys ýaqyty emes kezde qyzmettik poshtasyna jaýap bermeý jónindegi quqyǵyn zańdastyrmaq. Frantsııanyń eńbek reformasynyń keshendi zań jobasynyń ishinde osy qujat qana eńbek jaǵdaıyn jaqsartýǵa baǵyttalǵan, dep habarlady Bı-Bı-Sı agenttigi.
Frantsııada jumyssyzdyq sońǵy 18 jyldaǵy joǵarǵy deńgeıge jetip, 10 paıyz boldy. Jumys ornyn aıyrylyp qalýdan qoryqqan jaldamaly jumysshylar tegin artyq jumys isteýge qulyqty. Tipti úıine ýaqytynda ketetin qyzmetkerler de korporatıvtik chattarda táýlik boıy otyryp, iskerlik jazba júrgizýge májbúr.
Technologia konsaltıngtik kompanııanyń derekterine sáıkes jumys isteıtin 3 mıllıonnan astam frantsýzdarǵa qyzmettik mindetterin oryndaý kezinde artyq júkteme beriledi. Bul udaıy kúızelis saldarynan qyzmetkerdi qaljyratypp, psıhologııalyq, emotsııalyq salmaq túsiredi.
Zań jobasyna sáıkes 50-den astam qyzmetkeri bar kompanııa jarǵysynda qyzmetkerlerdiń jumystan kelgen hatqa jaýap berýge mindetti emes saǵattaryn (ásirese keshki jáne demalys ýaqyttarynda) ashyp kórsetýi mindetteledi.
