Frantsııada júk kóliginen bir tonnaǵa jýyq esirtki tabyldy

NUR-SULTAN. QazAqparat – Frantsııanyń shyǵysynda Izer departamenti kedeniniń qyzmetkerleri júk kóliginen 933 keliden astam gashısh esirtkisin tapty. Júrgizýshi qamaýǵa alyndy, dep habarlaıdy France Bleu radıostansasy.

Asa kólemdi esirtki tıelgen júk kóliginiń juma kúni Ven jáne Revanten-Vogrı kommýnalaryn jalǵastyryp jatqan aqyly jolda ustalǵany atap ótiledi.

Kedenshiler A7 avtomagıstralinde soltústik baǵytqa bet alǵan júk kóligin toqtatqanda, odan tonnaǵa jýyq gashısh esirtkisi tabylǵan. Ustalǵan júrgizýshi kedende túnegen, al ertesine, senbi kúni tańerteń ony qamaýǵa aldy.