Frantsııada jeńildikpen satylatyn shokoladqa talas tóbeleske ulasty
BRıÝSSELЬ. QazAqparat - Frantsııada Nutella shokoladty pastasyna qoıylǵan 70% jeńildik sýpermarketterde tóbelesterge ákep soqtyrdy, dep habaraıdy «QazAqparat» HAA-nyń menshikti tilshisi.
Jeńildikti Intermarché sýpermarketter jelisi jarııalady. Beısenbide bastalǵan aktsııa senbige deıin jalǵasýy kerek. Jaı kúnde 4,50 eýro turatyn 960 gramdyq Nutella qutysynyń 1,40 eýrodan satylýy sýpermarketke adamdardyń tus-tustan aǵylyp kelýine sebep boldy.
Keıbir dúkenderde dúrlikken adamdar tipti tóbelesýge deıin barǵan. Jekelegen BAQ ókilderi bolǵan oqıǵalardy «tártipsizdikter» dep baǵalady.
Nutella shyǵaratyn Italııanyń Ferrero kompanııasy bul jolǵy jeńildikten qalys qaldy.
«Aıta ketelik, bul aktsııany Intermarché kompanııasy birjaqty tártippen qabyldady. Klıentterdi shatastyryp, olardyń ashýyna tııýi múmkin jaǵdaıǵa syn aıtamyz», - deıdi kompanııadaǵylar.
