Frantsııada jastar arasynda indet juqtyrǵandar kóbeıdi

NUR-SULTAN. QazAqparat – Frantsııada óńirlik bılik kóshede maskany mindetti túrde taǵýdy óz betinshe engizý quqyǵyn aldy. Mundaı málimdemeni el úkimeti jasady, dep habarlaıdy QazAqparat Euronews agenttigine silteme jasap.

20 shildeden bastap elde ústi jabyq qoǵamdyq orynda maska taǵý mindettelgen bolatyn.

Parıjde shilde aıynyń ortasynan bastap indettiń ekinshi tolqyny júrýi múmkin ekeni aıtylǵan edi, biraq olar bul jaǵdaıǵa daıynbyz dep sendirip otyr.

«40-45 jasqa deıingi adamdar arasynda indetke shaldyǵýshylar sany ortasha kórsetkishten asyp tústi. Egde jastaǵy adamdarǵa áser etip, aýyr zardaptarǵa ákelgen indet qazir jastar arasynda tez taralýda. Jastardyń qashyqtyqty saqtamaýynan osyndaı jaǵdaı bolyp otyr», deıdi Ot-de-Frans aımaǵynyń densaýlyq saqtaý deprtamentiniń dırektory Eten Shampon.

Madrıdte de kóshede maska taǵý mindetteldi. Oǵan qarsylyq tanytqan jaǵdaıda 100 eýro aıyppul salynady. Ispanııada birneshe kún qatarynan táýligine koronavırýs juqtyrǵan myńnan astam jańa jaǵdaı tirkelýde.

Aýrý juqtyrǵandar sany kúrt ósýine baılanysty birqatar Eýropa elderi óz azamattaryna Ispanııada demalýdan bas tartý jóninde keńes beredi. Degenmen el bıligi jaǵdaıdy baqylaýda ustap otyr. Ásirese kýrorttyq aımaqtarda birqatar talaptar engizilgen.

Sonymen, Germanııa SІM juma kúni nemis týrısteri arasynda keńinen tanymal aýdandar Katalonııa, Aragon jáne Navarraǵa sapar shegý qaýipti ekenin aıtyp, eskertý jasady.