Frantsııada jas jigit altyn izdep júrip, І Dúnıejúzilik soǵystan qalǵan bombaǵa uryndy
NUR-SULTAN. QazAqparat - Frantsııada kómbe izdegen 18 jastaǵy jigit Birinshi dúnıejúzilik soǵystan qalǵan bomba jarylysynan zardap shekti, dep xabarlaıdy QazAqparat Daily Mail basylymyna silteme jasap.
Basylymnyń jazýynsha, oqys oqıǵa shilde aıynyń basynda Mets qalasynda bolǵan.
Tarıxqa qyzyǵatyn Pol Aıden metall izdeıtin detektordyń kómegimen altyn izdegen. Qurylǵynyń sıgnalyn estigen bala kómbe taptym dep oılap, jerdi qaza bastaǵan.
Onyń quraly abaısyzda jarylǵysh qurylǵyǵa tıip ketip, detenator iske qosylǵan. Abyroı bolǵanda
Aıden óz aıaǵymnen úıine jete aldy. Áke-sheshesi oǵan jedel járdem shaqyrǵan. Dárigerler balanyń denesinen 50-den astam jaryqshaq alyp, jarylys julyp ketken saýsaǵy tikken.
Polıtseılerdiń aıtýynsha, bala 1915 jyly qoıylǵan mınaǵa túsken.
Saperler sol mańnan nemistiń fosfor granatasyn da tapty.
