Frantsııada jarylys boldy: Qazaqstandyqtardyń bar-joǵy anyqtalýda
NUR-SULTAN. QazAqparat - QR Syrtqy ister mınıstrligi Frantsııanyń Lıon qalasy kósheleriniń birinde bolǵan jarylystan zardap shekkender arasynda qazaqstandyqtardyń bar-joqtyǵyn anyqtap jatyr, dep habarlaıdy QazAqparat.
«Búgin keshke Frantsııanyń Lıon qalasynyń kósheleriniń birinde jarylys bolyp, onyń nátıjesinde jeti adam jaraqat aldy. Qazirgi tańda Parıjdegi bizdiń Elshiligimiz jaraqat alǵandardyń arasynda Qazaqstan azamattarynyń bar ekendigin tekserýde», - delingen mınıstrlik taratqan habarlamada.
Tolyǵyraq aqparat oqıǵanyń mán-jaǵdaıyn anyqtaǵannan keıin qosymsha beriledi.
