Frantsııada janarmaı taǵy qymbattady

BRıÝSSELЬ.QazAqparat – Frantsııanyń janarmaı quıý stantsııalarynda janarmaı baǵasy taǵy kóterilip jatyr. 95 markaly benzınniń lıtri tamyz aıynyń basynda orta eseppen 1,93 eýroǵa (947 teńge) jetti, dep habarlaıdy QazAqparat menshikti tilshisi.

Elde dızeldik otyn da qymbattap, 1 lıtri 1,83 eýrony (902 teńge) qurady.

Sonymen qatar Frantsııada shilde aıynda ınflıatsııa deńgeıi 2023 jyldyń maýsym aıyndaǵy 4,50 paıyzdan 4,30 paıyzǵa tómendedi. Bul 2022 jyldyń aqpanynan bergi eń tómengi kórsetkish.

Sarapshylardyń pikirinshe, ınflıatsııanyń tómendeýi elde energııa baǵasynyń tómendeýimen jáne azyq-túlik pen ónerkásiptik taýarlar baǵasynyń birshama qalypty ósýimen baılanysty.