Frantsııada janarmaı baǵasynyń ósýine qarsy narazylyq sharalary jalǵasýda
BRıÝSSELЬ. QazAqparat - Frantsııadaǵy «Sary jıletter» qoǵamdyq qozǵalysynyń qatysýshylary úshinshi kún qatarynan elde janarmaı baǵalarynyń ósýine qarsylyq bildirip, narazylyq sharalaryn ótkizýde, dep habarlaıdy «QazAqparat» HAA tilshisi.
Halyq búkil Frantsııa boıynsha joldardy jaýyp jatyr. Saldarynan birqatar iri avtomagıstralda qozǵalys qıyndap otyr.
Sondaı-aq «Sary jıletter» Total kompanııasynyń eldiń batysy men ońtústiginde ornalasqan eki otyn qoımasynyń kirý joldaryna tosqaýyl bolýda. Demonstranttar nysandardyń kireberisterine barrıkadalar ornatyp tastady.
Eske sala keteıik, ótken demalys kúnderi Frantsııada janar-jaǵarmaı baǵalarynyń ósýine baılanysty narazylyq aktsııalaryna 300 myńǵa jýyq adam qatysty.
«Sary jıletter» baǵalardyń birden qymbattaýyna narazylyq bildirýde: sońǵy jylda Frantsııada benzın baǵasy 10-15 paıyzǵa kóterilse, dızeldik otyn 24 paıyzǵa qymbattady. Baǵalardyń ósýi bıyl da jalǵaspaq.
Foto: REUTERS/Stephane Mahe
