Frantsııada Jańa jyl túninde myńnan astam kólik órteldi
ASTANA. 4 qańtar. QazAqparat - Frantsııada Jańa jyl túninde myńnan astam kólik órteldi. Kólikterdi órteý deregi Sent-Eten qalasynda kóp tirkelgen.
31 jeltoqsannan 1 qańtarǵa qaraǵan túni frantsýzdar 1067 temir tulpardy órtep jibergen, dep habarlaıdy «Qazaqstan» UTA NST-ǵa silteme jasap. Bul málimdemeni Frantsııanyń Іshki ister mınıstrliginiń basshysy Manýel Valls taratty. Mınıstr órtengen kólikterdiń sany ótken jylmen salystyrǵanda 10 paıyzǵa azaıǵanyn atap ótti. Sent-Eten qalasynda kólikter kóp órtelgen.
Vandalızmniń bul túri dástúrge aınalyp keledi, dep atap ótedi basylym. Ótken jyly bılik órtelgen kólikterdiń sanyn jarııalaýdan bas tartqan edi. Óıtkeni, málimetterdi jarııalaý buzaqy toptardyń arasynda básekelestikti arttyrady dep sanady.
