Frantsııada zeınetaqy reformasyna qarsy ereýil ótedi

BRıÝSSELЬ. QazAqparat – Beısenbi kúni Frantsııadaǵy birneshe kásipodaq jumysshylar ereýilin jarııalady. Josparlanǵan shara búkil el boıynsha jolaýshylar poıyzdarynyń qozǵalysyna aıtarlyqtaı kedergi keltirýi múmkin, dep habarlaıdy QazAqparat tilshisi.

Beısenbide Frantsııa úkimetiniń zeınetaqy júıesin reformalaý josparyna qarsy jalpyulttyq ereýil aıasynda elde poıyzdardyń kópshiligi toqtatylyp, Parıj metrosynyń qozǵalysy aıtarlyqtaı buzylady.
France 24 arnasynyń habarlaýynsha, áleýmettik saýalnama júrgizý frantsýzdardyń basym kópshiligi zeınet jasyn kezeń-kezeńimen 62-den 64-ke deıin kóterýdi kózdeıtin zeınetaqy reformasyna qarsy ekenin kórsetti.
Sondyqtan birqatar kásipodaqtar jumysshylardy 19 qańtarda jappaı jumysty toqtatyp, sherýge shyǵýǵa shaqyrdy. Olaı bolǵanymen, Frantsııa úkimeti osy ýaqytqa deıin óz ustanymdarynan qaıtpaıtynyn málimdep, jqmysshylardan sherýge shyqpaýyn surady.
SNCF ulttyq temirjol operatorynyń málimetinshe, úsh-bes júrdek poıyzdyń bireýi ǵana jumys isteıtin bolady, al árbir on jergilikti poıyzdyń bireýi ǵana jumysyn jalǵastyrady.
Parıjde qala mańyndaǵy RER poıyzdarynyń basym kópshiligi toqtatylady, úsh metro jelisi tolyǵymen jabylady, al basqalary jartylaı jumys isteıtin bolady.
Parıj-Orlı áýejaıyndaǵy árbir besinshi reıs toqtatylady. Parıjdiń ońtústiginde ornalasqan ol el astanasynda úlkendigi jaǵynan ekinshi orynda jáne qazirgi ýaqytta eldegi ereýilder kedergi ákelýi múmkin jalǵyz áýejaı.
Ereýilge bastaýysh mektep muǵalimderi qosylýdy josparlap otyr, dep habarlady seısenbide «SNUipp-FSU» kásipodaǵy.
Zeınetaqy júıesin reformalaý – Frantsııa prezıdenti jarııalaǵan mindetterdiń biri. Degenmen, usynystardy áli parlament qarastyryp qabyldaýy tıis.
Buǵan deıin frantsýzdardyń jalpyulttyq ereýilge daıyndalyp jatqany habarlanǵan bolatyn.

Foto: www.france24.com