Frantsııada zeınet jasynyń kóterilýine qarsy ereýilder ótip jatyr
ASTANA. Qyrkúıektiń 7-si. QazAqparat - Búgin Frantsııa kásipodaqtary úkimettiń 2018 jylǵa qaraı zeınet jasyn 60-tan 62-ge deıin kóterý nıetine baılanysty 24 saǵattyq ereýil ótkizýde. Bul týraly «Azattyq» radıosy habarlady.
Ereýil qoǵamdyq kóliktiń, avıaqatynasy men poshta tasymaldarynyń jumysyna áser etip otyr. Aǵymdaǵy jyldyń maýsym aıynda zeınetaqy reformasyna qatysty osyndaı narazylyq sharalar ótip, oǵan 800 myńdaı adam qatysqan edi.
