Frantsııada zerthanadan qaýipti vırýsy bar 2000-nan astam tútik joǵaldy
ASTANA. QazAqparat - Frantsııadaǵy belgili Paster zertteý ınstıtýynda shý shyqty. Mekeme basshylyǵy túgendeý jumystaryn júrgizgende mólsherden aýytqyp qabynatyn pnevmonııanyń (SARS) qaýipti vırýs úlgileri bar 2349 tútik joǵalyp ketkenin rastady, dep habarlady Belfast Telegraph.
Ǵalymdar vırýstyń joǵalǵany týraly Ulttyq dárilik zattar men medıtsınalyq maqsattaǵy taýarlardyń qaýipsizdigi jónindegi agenttikke (ANSM) habarlap, izdestirýge kómek surady. Mamandar vırýs úlgileri qańtarda joǵalǵanyn anyqtady. Іzdestirý esh nátıje bermedi, osyǵan oraı ANSM tergeý bastaý týraly ótinishpen Parıj qalasynyń prokýratýrasyna júgindi.
Bolǵan jaǵdaıdan qulaǵdar bolǵan jýrnalıster jurtshylyqty qaýipti pnevmanııa paıda bolýy yqtımal dep eskertti. Sebebi, 2000 jyldardyń basynda Azııada bul aýrýdyń saldarynan 800 adam qaza taýyp, myńdaǵan adam indetti juqtyrǵan bolatyn.
