Frantsııada zaýyttan 100 keli altyn urlandy
ASTANA. Qańtardyń 20-sy. QazAqparat - Frantsııada tórt qarýly tonaýshy Lıonnyń mańyndaǵy balqytý zaýytynyń aýmaǵyna kirgen jáne 100 keliden astam altyndy alyp ketken,
dep habarlaıdy QazAqparat Lenta.Rý saıtyna silteme jasap.
Oqıǵa dúısenbi kúni bolǵan. Qylmyskerler aldymen zaýyt qyzmetkerleriniń biriniń úıine baryp, ony áıelimen birge kepildikke alady jáne er adamdy kásiporyn aýmaǵyna aparýǵa jáne baǵaly metaldardy qaıta óńdeý tsehyn ashýǵa májbúrleıdi. Tapanshamen jáne myltyqpen qarýlanǵan tonaýshylar ol jerden tsehtyń 100-150 keli ónimin áketedi. Qoldy bolǵan buıymdardyń dál quny jabyq kúıinde qalyp otyr.
Odan keıin er adamdar kepilge alynǵandardy bosatyp, zaýyt aýmaǵynan shyǵady jáne tonaý kezinde birde-bir oq shyǵarmaı belgisiz baǵytqa qaraı júrip ketedi. Tonaýshylardy izin sýytpaı ustaýdyń sáti túsken joq.
