Frantsııada zańsyz ushyrylǵan drondardy qyrandar aýlaıtyn bolady
ASTANA. QazAqparat - Frantsııa zańsyz ushyrylǵan drondardy qatań baqylaýǵa almaq. Endi bul elde ushqysh qurylǵylardy qyrandar aýlaıtyn bolady, dep jazady «Habar 24».
Qazir áskerıler qustarǵa drondy ustaý ádisterin úıretip jatyr. Ol úshin qyran qustyń jumyrtqasyn dronǵa salyp qoıady. Balapan sonda jatyp, jumyrtqa jarady. Onyń jeıtin azyǵyn da sol jerden beredi. Qustardy osylaı balapan kezinen ushý qurylǵysynan qoryqpaýǵa, qaıta ony alýǵa baýlıdy.
Jergilikti bılik bul tájirıbeni tek drondar turǵyndarǵa qaýip tóndirgen jaǵdaıda ǵana qoldanamyz deıdi. Máselen, dron áýejaıǵa nemese adam kóp shoǵyrlanǵan jerge óte jaqyn ushsa, qyran qustar jiberiletin bolady. Mundaı tásildi frantsýzdyq áskerıler gollandyq áriptesterinen úırengen. Nıderlandta osy ádispen qolǵa úıretilgen qaraýyl qustardy «áýe saqshysy» dep ataıdy.
