Frantsııada ystyq saldarynan úılerdiń qabyrǵasy jaryla bastady
PARIJ. QazAqparat – Frantsııada uzaqqa sozylǵan qurǵaqshylyqtyń saldarynan sazdy topyraqta salynǵan úılerdiń qabyrǵalary jarylyp jatyr. Olar – shaǵyn jáne eski aýyldyq ǵımarattar, dep habarlaıdy QazAqparat Euronews-ke silteme jasap.
Jergilikti turǵyndar qabyrǵalardaǵy jaryqshaqtar tóbeniń opyrylýyna ákelýi múmkin deıdi. Sondaı-aq kúnniń ystyǵyna baılanysty frantsýz júzimi merziminen bir aı buryn pisken. Ádette egin qyrkúıek aıynyń ortasynda jınalady, endi egin jınaý tamyz aıynda aıaqtaldy.
Jaıylymdarda ystyqtan shópter qýrap qaldy, mal jeıtin eshteńe joq. Kóptegen fermerler janýarlardy qoralarda ustaýǵa jáne qysqa jınaǵan jemshóp qoryn jumsaýǵa májbúr.
Agrosektor ókilderi bıyl sút kem degende 20%-ǵa az bolady dep eskertedi, Frantsııa kartop pen bal tapshylyǵy bolýy da múmkin.
Foto: euronews.com
