Frantsııada vaktsına almaǵandar shetelge saparlaı almaıdy
Endi Frantsııa turǵyndary dámhana, meıramhanaǵa kirerde jáne halyqaralyq saparǵa shyǵarda COVID-19 vırýsyna qarsy vaktsınanyń tolyq komponentin alǵany týraly aqparaty bar vaktsınalaý sertıfıkatyn ne PTR-testileriniń nátıjeleri jazylǵan anyqtamany kórsetýi tıis. Frantsııa bıligi respýblıkanyń Konstıtýtsııalyq keńesi moıyndaǵan bul normanyń vaktsınalaýdy jyldamdatyp, koronavırýstyń «tórtinshi» tolqynymen kúreste mańyzdy ról atqarady dep úmittenip otyr.
«Jasyl pasport» - jańa komendanttyq saǵattar men lokdaýndardy boldyrmaýǵa kómektesýi tıis», - dep málimdedi Frantsııanyń Densaýlyq saqtaý mınıstri Olıve Veran baspasózge bergen suhbatynda.
O. Veran erejelerge azdap ózgerister engizilgenin, atap aıtqanda, PTR-testiler burynǵydaı josparlanǵandaı 48 saǵat emes, 72 saǵat buryn jasalýy múmkin ekenin jarııalady. 21 shildeden bastap vaktsınalaý sertıfıkaty mádenı nysandar, teatr jáne murajaılarǵa kirerde talap etiledi.
5 tamyzdaǵy jaǵdaı boıynsha, COVID-19 vırýsyna qarsy vaktsınanyń eki dozasyn Frantsııa turǵyndarynyń 49,7 paıyzy alǵan. Kópshilik arasynda júrgizilgen saýalnamalar nátıjesinde frantsýzdardyń kóbi «jasyl pasporttyń» engizilýin qoldaıtynyn kórsetti.
