Frantsııada ushqysh Notr-Damdy soǵýǵa árekettengen
PARIJ. QazAqparat – Parıj polıtsııasy Notr-Dam shirkeýi ǵımaratyn ushaqpen soqpaq boldy degen kúdikpen burynǵy azamattyq avıatsııa ushqyshyn tutqyndady, dep habarlaıdy QazAqparat.
Bul týraly senbi kúni keshkisin CNews telearnasy polıtsııadan alǵan derekterge silteme jasap habarlady.
Tutqyndaý operatsııasy Parıjde 7 qazan kúni ótkizilgen. Air Liberty, Air Tahiti jáne Royal Fly áýe kompanııalarynyń burynǵy ushqyshynyń týystary polıtsııaǵa habar bergen. 50 jastaǵy er adam kúızeliske ushyrap, «taıaý ýaqytta ushaqpen Notr-Damǵa buzyp kiretinin» ózi habarlaǵan. Eldiń ońtústik-batysynda, Andaı qalasynda Ispanııamen shekaraǵa jaqyn mańda turyp kelgen onyń Cessna jeńil týrıstik ushaǵy bolǵan. Polıtsııaǵa habar bergen týysy burynǵy ushqyshtyń psıhıkalyq jaǵdaıy aýyr ekenin aıtqan. Andaı qalasynyń polıtsııasy bul derekti shuǵyl túrde Parıjge jibergen. Burynǵy ushqysh Frantsııa astanasynan uıaly telefonyndaǵy geolokatsııanyń arqasynda tabylǵan. Ol ishimdik iship, Notr-Damdaǵy órtten keıin onyń fýnktsııasyn atqaryp jatqan San-Sıýlpıs soboryna jaqyn jerde júrgen. Le Figaro gazetiniń málimetinshe, Parıj polıtsııasy taıaý ýaqytta ustalýshymen psıhıatrııalyq saraptama júrgizedi.
