Frantsııada úńgirden 1930 jylǵy avtokólikterdiń qoımasy tabyldy
ASTANA. QazAqparat - Belgııalyq oqytýshy jáne áýesqoı-zertteýshi Vınsent Mıshel Frantsııanyń tas óndiretin jerasty kenishinen Ekinshi dúnıejúzilik soǵystan beri ıesiz jatqan avtokólikter qoımasyn tapqan. Sol kezde jaýlap alýshy nemister mashınalardy ıemdenip ketpes úshin soǵys bastalmas buryn olardy jer astyna jasyrǵan sekildi. Alaıda, kólikter áldeqaıda uzaq ýaqytqa saqtalǵan, dep habarlaıdy The Telegraph.
56 jastaǵy muǵalim tapqan oljasyna qýanyshyn jasyrmady: «Men qatty tańǵaldym, týra bir kóne zamanǵa barǵan sekildi áser aldym!», deıdi ol.
Qoımanyń sol kezdegi ıesi soǵystan keıin de turaqqa mashınalar qosqan. Jer asty kenishine arheologtar barǵasyn, jelide kólikterdiń sýretteri paıda boldy. Tas óndiretin jerasty kenishiniń qazirgi qojaıyny kóliktiń birnesheýin aýktsıonda satyp úlgergen. Alaıda, «eksponattardyń» kóp bóligi ornynan qozǵalýǵa jaramsyz kúıde búlinigendikten jer astynda qala bermek. 
