Frantsııada týrıster mingen keme kópir tiregine soǵyldy:15 adam japa shekti
ASTANA. QazAqparat - Rona ózenimen júzgen "Belfler" týrıstik kemesi kópirdiń tiregine soǵyldy. 15 adam jeńil jaraqat aldy, kemege qatty zaqym keldi. Onyń aldyńǵy bóligi sýǵa ketti.
Buǵan qaramastan keme kapıtany ony Ven qalasynyń mańyndaǵy aılaqqa jetkizdi. "Belflerde" barlyǵy 117 jolaýshy men 37 ekıpaj múshesi bolǵan. Jolaýshylardyń basym bóligi - brıtandyq jáne germanııalyq týrıster, dep habarlady TASS. Foto: ladepeche.fr
