Frantsııada tuńǵysh júrgizýshisiz avtomobıl synaqtan ótti
ASTANA. 16 naýryz. QazAqparat - Frantsýzdyń Lıon qalasynda júrgizýshisiz elektromobıl synaqtan ótti. Elektrmen júredi, jyldamdyǵyn saǵatyna 30 shaqyrymǵa deıin údete alady, al bastysy - ózdiginen derbes qozǵalady - jańa Navia avtomobıline osyndaı sıpattama berilgen.
Robot 8 adamdy tası alady jáne oǵan júrgizýshiniń qajeti joq, dep habarlady Rosbalt Euromag -qa silteme jasap.
150 jyldyq ınjenerlik oı jumysy osyndaı tamasha tehnıkalyq serpiliske ákeldi. Jol kodeksinde avtomobıldi júrgizýshisiz basqarý jóninde silteme bolmaýyna qaramastan, Navia Lıonda adamdar tasymaldaýǵa ruqsat aldy.
Onyń quny edáýir joǵary - 170 myń eýro turatynyna qaramastan, robotqa Shveıtsarııa, Qurama Shtattar, Sıngapýr jáne Frantsııanyń keıbir qalalary qyzyǵýshylyq bildirdi.
Ázirshe Navia áýejaıda jolaýshylar tasýǵa arnalǵan, biraq ta jýyq arada onyń qyzmet salalary keńeıe túsýi múmkin.
