Frantsııada tótenshe jaǵdaı rejımi 26 mamyrǵa deıin uzartyldy
ASTANA. QazAqparat - Frantsııa parlamentiniń depýtattary eldegi tótenshe jaǵdaı rejımin taǵy úsh aıǵa, 26 mamyrǵa deıin uzartý úshin daýys berdi, dep habarlaıdy BFMTV telearnasyna siltememen Gazeta.ru.
Atalǵan zańdy qabyldaý úshin 212 depýtat daýys bergeni, 31 depýtat qarsy bolǵany habarlanyp otyr. Ótken jyldyń qarasha aıynda tótenshe sharalardy jaqtaýshylar odan kóp bolǵan: 551 depýtat «ıá» dep daýys berse, altaýy qarsy bolǵan, bireýi daýys berýden tartynǵan.
Ótken aptada tótenshe jaǵdaı rejımin uzartý týraly zań jobasyn eldiń senaty da qoldap, lańkestik qaýiptiń deńgeıi «burynǵydan kúshtirek» ekenin málimdedi.
Buǵan deıin Frantsııanyń ulttyq jınalysy lańkestik úshin sottalǵandardy azamattyqtan aıyrýdy qoldaǵan.
13 qarashada Parıjde birqatar lańkestik shabýyldar jasaldy. Dámhanadaǵy atys-shabys, «Bataklan» teatrynda adamdardy tutqynǵa alý jáne «Stad de Franstyń» qasyndaǵy jarylystar saldarynan 130 adam qaza tapqan.
