Frantsııada sýpermarketke shabýyl kezinde 2 adam mert boldy
ASTANA. QazAqparat - Frantsııanyń ońtústik-batysynda sýpermarketke sodyr jabýyl jasap, adamdardy kepilge alǵan kezde kem degende eki adam qaza tapty, dep habarlady «Frans-Press» agenttigi qaýipsizdik qyzmetindegi derekkózge silteme jasap.
Budan buryn jumada Frantsııanyń ońtústik-batysyndaǵy Od departamentiniń Treb kommýnasyndaǵy sýpermarketterdiń birinde lańkestiń adamdardy kepilge alǵandyǵy habarlanǵan bolatyn.
Jergilikti prokýratýranyń málimdeýinshe, «sodyr óziniń DAISh (Qazaqstanda tyıym salynǵan uıym - red.) lańkestik uıymyna tıesili ekenin» aıtqan.
Od departamenti prefektýrasy Tvıtterde osy aýmaqta arnaıy operatsııa júrgizilgendigi jaıly málimdedi.
BFM TV telearnasynyń efırinde Treb qalasynyń meri Erık Menassı kepilge alynǵan adamdardyń bosatylǵandyǵyn habarlady.
