Frantsııada sý qoımasy qurylysyna qarsy narazylyq kezinde ondaǵan adam jaralandy

PARIJ. QazAqparat – Frantsııadaǵy zeınetaqy reformasyna qatysty áleýmettik qaqtyǵysqa ekologııalyq naryzylyqtar qosylyp, onyń sońy jandarmdarmen qaqtyǵysqa ulasty. Bes aılyq úzilisten keıin 30 myń demonstrant eldiń batysyndaǵy Sent-Solınde jınalyp, sý qoımasynyń qurylysyna qarsylyq bildirdi, dep habarlaıdy QazAqparat Euronews-ke silteme jasap.

Eldiń ІІM basshysynyń aıtýynsha, tártipsizdikterge «myńnan astam radıkaldy nıettengen jáne zorlyq-zombylyqqa beıim belsendiler qatysty». Úkimet narazylyqqa qatysýshylardy taratý úshin 3 200 jandarmdy tartty, bul – ótken jyldyń qazanyndaǵy aktsııalar kezinen eki ese kóp. Jergilikti prokýratýra 35 zardap shegýshi týraly habarlady, onyń 28-i – kúshtik qurylymdardan.

Premer-mınıstr Elızabet Born Tvıtterde bul jaıtty «shydatpaıtyn zorlyq tolqyny» men «radıkaldardyń jaýapsyzdyǵy» dep synǵa aldy.

16 shaǵyn sý aıdynyn biriktirý jobasy 2018 jyldan beri júzege asyp keledi. Qarjylandyrýǵa 450 sharýa qatysyp jatyr. Olar bir kooperatıvke birikti.

Keshen qysqy kezeńde jerústi kózderinen sý alýǵa arnalǵan, bul jazǵy qurǵaqshylyq kezinde sýarýǵa múmkindik beredi.

Jobanyń qarsylastary «sýdy agrobıznestiń jekeshelendirýi» dep aıyptap, bılikti sý qoımasyn salýǵa moratorıı engizýge shaqyrady.