Frantsııada saılaýdyń ekinshi aınalymy qarsańynda «tynyshtyq kúni» ornady
ASTANA. QazAqparat - Frantsııada jergilikti ýaqytpen túngi saǵat 00.00-de prezıdent saılaýynyń ekinshi aınalymynyń qarsańynda «tynyshtyq kúni» ornady. Bul ýaqytta saılaýdyń qorytyndasyna boljam jasalǵan kez kelgen materıaldy jarııalaýǵa tyıym salynady. Sondaı-aq, saılaýaldy mıtıng ótkizýge bolmaıdy. Bul týraly France Press habarlaıdy.
Endi tek daýys beretin kún - 7 mamyrda jańa memleket basshysyn saılaýǵa úles qosatyn frantsýzdyqtardyń naqty sany belgili bolady. Áleýmettik qyzmettiń boljaýynsha, bul joly saılaýshylar daýys berýge óte az qatysyp, belsendiligi boıynsha antırekord ornatady. Frantsııada ádette prezıdent saılaýy úlken qyzyǵýshylyq týdyryp kelgen edi.
Saılaýdyń birinshi aınalymda 24,01% daýys jınaǵan «Alǵa» qozǵalysynyń basshysy Emmanýel Makron men eldiń 21,3% azamaty qoldaý bildirgen Marın Le Pen arasynda qyzý tartys júrip jatyr.
