Frantsııada salmaǵy 15 tonna kıt jaǵaǵa shyǵyp qalǵan
PARIJ. Frantsııanyń soltústigindegi Kale portynyń jumysshylary jaǵalaýdan salmaǵy shamamen 15 tonna, 19 metrlik jolaq kıttiń óleksesin tapty. Bul týraly jeksenbi kúni La Voix du Nord gazeti jazdy, dep habarlaıdy QazAqparat.
Kýágerlerdiń aıtýynsha, sý janýary logıstıkalyq termınaldyń metall tiregine soǵylǵannan keıin port bógetiniń tas úıindisine jaqyn jaǵaǵa shyǵyp qalǵan.
«Frantsııanyń soltústigindegi sútqorektilerdi qorǵaý jónindegi úılestirý keńesi» qaýymdastyǵynyń basshysy Jak Korpýzopýlos jergilikti ýaqyt boıynsha saǵat 14:00-de oqıǵa ornyna jetkende janýardyń ólip qalǵanyn aıtty. Ol dúısenbide kıt óleksesin teńiz sý kóterilgen kezde alyp ketetindikterin jáne seısenbi kúni tańerteń saraptama júrgiziletinin málim etti.
