Frantsııada polıtsııa qyzmetkerin jumys ornynda óltirip ketti
Juma kúni Rambýe qalasynda kúndiz er adam komıssarıat qyzmetkeriniń moıyn tusyna eki ret pyshaq urǵan. Alǵan jaraqatynan polıtsııa qyzmetkeri, 49 jastaǵy áıel mert boldy. Onyń artynda 13 jáne 18 jastaǵy eki balasy qaldy.
Kúdikti qolǵa túsip, jaraqattandy, keıinirek ol da jantásilim etti.
Kýágerlerdiń sózinshe, kúdikti polıtsııa qyzmetkerine shabýyldar aldynda «Allahý akbar» dep aıǵaı salǵan.
Oqıǵa ornyna Іshki ister mınıstri Jerlad Darmanen men Frantsııa Premer-Mınıstri Jan Kasteks keldi.
Frantsııa Premer-Mınıstri Jan Kasteks: «Men munda Іshki ister mınıstrimen birge osy oqıǵadan keıin polıtsııa men Rambýe komıssarıatynyń qyzmetkerlerine qoldaý kórsetý úshin keldim. Men frantsýzdarǵa bizdiń terrorızmmen kúreske degen tabandylyǵymyz burynǵy qalpynda qalatynyn aıtqym keledi»,-dedi.
Shabýyldy málim bolǵanyndaı, 36 jastaǵy Týnıs azamaty jasaǵan. Ol jýyrda ǵana Frantsııanyń Rambýe qalasyna kóship kelip, kýrer bolyp jumys istep júrgen. Onyń Frantsııada ýaqytsha turý ruqsaty bolǵan jáne onyń merzimi bıylǵy jyldyń jeltoqsanynda bitýi qajet edi. Departamentter men óńirlerdiń ákimshilikterine komıssarıattar men jandarmerııa kazarmalarynyń kúzetin kúsheıtý tapsyryldy.
