Frantsııada parlament saılaýy ótti

NUR-SULTAN. QazAqparat - Solshyl kúshterdiń «Jańa halyqtyq ekologııalyq jáne áleýmettik odaq» koalıtsııasy (NUPES) jeksenbide Frantsııadaǵy parlament saılaýynyń birinshi týrynda kóp daýys jınady, dep habarlaıdy QazAqparat Euronews agenttigine silteme jasap.

Solshyl partııanyń jetekshisi Jan-Lıýk Melanshonnyń bastamasymen qurylǵan NUPES koalıtsııasynyń ókilderi aldyn ala aqparat boıynsha 26,2% daýysqa ıe bolǵan.

«Renessans» prezıdenttik qozǵalysy jetekshilik etetin «Birge!» bıleýshi ​​koalıtsııasynyń kandıdattary 25,8% daýys jınady.

Soǵan qaramastan Frantsııa elindegi majorıtarlyq saılaý júıesiniń ereksheligine baılanysty basqarýshy koalıtsııa parlamenttegi orynnyń basym bóligin saqtap qalady.