Frantsııada patsıentterine zaqym keltirgen tis dárigeri 8 jylǵa sottaldy
ASTANA. QazAqparat - Frantsııa soty gollandtyq tis dárigerin 120 patsıentine zaqym keltirgeni úshin segiz jylǵa bas bostandyǵynan aıyrdy. Sot oǵan dárigerlik qyzmetpen aınalysýǵa tyıym saldy, dep habarlaıdy Bı-Bı-Sı agenttigi.
51 jastaǵy ıAkobýs van Nırop Frantsııanyń ortalyq bóligindegi Shato-Shınon atty shaǵyn qalashyqta qyzmet etken.
Tergeý derekterine sensek, ol patsıentterdi uıyqtatyp tastap, olardyń densaýlyqtaryna aıtarlyqtaı zaqym keltirgen. Olardyń biriniń jaq súıegi synsa, biri julynǵan tistiń ornyndaǵy jarasy jazylmaı qoıǵan.
Bir kelinshek dantıst segiz tisin biraq julyp aldy dep shaǵymdanǵan.
Tergeýshiler van Nırop patsıentterge zaqym keltirýden lázzat alǵan dep otyr.
Al aıyptalýshynyń qorǵaýshylary tis dárigeriniń psıhologııalyq aýytqýy barlyǵyn aıtýda. Dantıst sot otyrysynda tis jaryp, syr aldyrmaǵan.
Dáriger 2013 jyly ustalǵan, alaıda ol Kanadaǵa ketip qalypty. 2014 jyly ony sot Frantsııaǵa qaıtardy.