Frantsııada órt sóndirýshige 7 ret ádeıi órt qoıdy degen aıyp taǵyldy
ASTANA. QazAqparat - Frantsııanyń Lotarıngııa qalasynda órt sóndirýshi tutqyndaldy. Oǵan birneshe márte úıler men kólikterdi órtedi degen aıyp taǵylyp otyr. Bul týraly BFM TV telearnasy habarlady, dep jazady lenta.ru.
Oǵan birinshi bolyp, onyń óziniń áriptesteri kúdik keltirgen. Olardyń paıymdaýlarynsha, kúdikti órt bolǵan saıyn oqıǵanyń janynan birinshi bolyp tabylǵan.
Quqyq qorǵaý organynyń ókilderi 19 jastaǵy órt sóndirýshi-eriktini bıylǵy jyldyń sáýir aıynan beri bolǵan 7 órt oqıǵasyna kináli dep taýyp otyr. Kúdikti 6 órt oqıǵasy boıynsha óziniń kinásin moıyndady. Ol tek óziniń páteriniń órtený jaǵdaıyn ǵana moıyndaýdan bas tartqan.
Qarasha aıynyń sońynda Ekaterınbýrg polıtseıleri 20-ǵa jýyq balabaqshalardyń aımaǵynda bolǵan órt oqıǵalary boıynsha, órt qoıýshynyń erekshe belgilerin anyqtap, oǵan izdeý jarııalady. Órt túnde balabaqshalardyń kireberis esikterinde bolǵan. Órt qoıýshy beınebaqylaý kamerasyna túsip qalǵan.
