Frantsııada orman órtenip, 2,7 myń týrıst evakýatsııalandy
PARIJ. QazAqparat – Orman órtine baılanysty Frantsııanyń ońtústigindegi Shyǵys Pıreneıleri departamentindegi kempıngterden 2,7 myńǵa jýyq týrıst evakýatsııalandy, dep jazady TASS.
Aldyn ala málimetter boıynsha, órt Parıj ýaqyty boıynsha saǵat 14:00-de Arjeles-sıýr-Mer komýnnasynan shyqqan. Mınýtyna 19 metr jyldamdyqpen esken jel órttiń jyldam órshýine sebepshi bolǵan.
Komýnna meri Antýan Parranyń aıtýynsha, órt jaǵalaýǵa qaraı órshidi. Órtten qutqarý qyzmetiniń ókilderi 3 kempıngten 2,7 myń týrısti evakýatsııalap, ýaqytsha gımnazııa ǵımarattaryna ornalastyrdy.
Órtti sóndirýge ondaǵan órt sóndirýshiler qatysýda. Sondaı-aq qyzyl jalynmen kúreske Canadair ushaqtary da jumyldyrylǵan.
«Kempıngter astanasy» sanalatyn Arjeles-sıýr-Mer komýnnasynda jyl saıyn shamamen 150 myń adam demalady.
