Frantsııada oqýshylar avtobýsy poıyzǵa soqtyǵysty
ASTANA. QazAqparat - Frantsııada oqýshylar mingen avtobýs poıyzǵa soqtyǵysyp qaldy. Nátıjesinde 4 oqýshy mert bolyp, taǵy 19 adam zardap shekken dep habarlaıdy Reuters .
Agenttiń habarlaýynsha, kólik apaty Mıle qalasy mańynda beısenbi kúni bolǵan. Apattan keminde tórt oqýshy mert bolyp, taǵy 19 adam zardap shekken.
«Mılede bolǵan qaıǵyly apat qabyrǵamdy qaıystyrdy. Arnaıy qyzmet pen polıtsııa jumys jasaýda. Men oqıǵa ornyna barmaqshymyn», - dep jazdy Frantsııanyń kólik mınıstri Elızabet Born óziniń Twitter-degi paraqshasynda.
Apattyń neden bolǵandyǵy anyqtalý ústinde.
