Frantsııada munaı zaýyty jumysshylarynyń ereýili otyn tapshylyǵyna ákeldi
PARIJ. QazAqparat – Total jáne Exxon kompanııalaryna tıesili úsh munaı óńdeý zaýyty jumysshylarynyń ereýilge shyǵýynan Frantsııanyń birqatar aımaǵyndaǵy janarmaı quıý beketterinde otyn tapshylyǵy týyndady, dep habarlaıdy QazAqparat Euronews-ke silteme jasap.
Kásipodaqtar jalaqyny 10% kóterýdi talap etýde jáne ereýildi toqtatý nıeti joq ekenin málimdeýde.
«Men tańǵy saǵat tórtte turdym, endi tórt saǵat turýym kerek. Árıne, eger tańǵy 8-ge deıin benzın qalsa. Biraq men kóligime janarmaı quıý úshin tórt saǵat kútemin», - dedi júrgizýshilerdiń biri.
Janarmaı tapshylyǵyna baılanysty jaǵdaı eldegi janarmaı quıý stantsııalarynyń 20 paıyzyna áser etti. Frantsııanyń ekologııa mınıstri Krıstof Beshý úkimet strategııalyq qorlardan janarmaı bólgenin aıtty.
Vıdeodan alynǵan kadr
