Frantsııada mıgranttarǵa kómektesken sharýaǵa aıyppul salyndy
ASTANA. QazAqparat - Mıgranttarǵa kómekteskeni úshin frantsýz fermeri jaýapqa tartyldy. Bul týraly 24.kz habarlaıdy.
Záıtún óndiretin kásipker Sedrık Errý Italııa men Frantsııanyń shekarasy arqyly 200-ge jýyq adamdy júk kóligimen zańsyz túrde alyp ótken. Kómekteskisi kelgendikten jolaýshylardan aqsha almaǵan. Alaıda ol Nıtstsa qalasy sotynyń úkimimen 3 myń eýro aıyppul tóleýge mindettelip otyr. Fermerdiń bul áreketi qoǵam nazaryn ózine aýdardy. Ony qoldaý úshin kóptegen adam sot ǵımaratyna keldi.
Aıta keteıik, 2015 jyldan beri Frantsııa men Italııa shekarasy baqylaýǵa alynǵan. Sodan beri soltústikke baǵyt alǵan kelimsekter ony zańsyz kesip ótkisi keledi.
