Frantsııada meshitke kelgenderge oq atqan adam óz-ózine qol jumsady
NUR-SULTAN. QazAqparat - Frantsııanyń batysyndaǵy Brest qalasyndaǵy meshitte oq atqan adam óz-ózine qol jumsady. Bul týraly France Info radıostantsııasy polıtsııadaǵy derekkózge silteme jasap xabarlady.
Beısenbi kúni Parıj ýaqytymen saǵat 16:30 shamasynda belgisiz bireý Brest qalasynda (Frantsııanyń batysy) Pontanezen aımaǵynda ornalasqan meshittiń aldynda adamdarǵa oq atyp, izin sýytqan. Atys saldarynan kem degende eki adam jaraqat alyp, aýrýxanaǵa jetkizildi. VǴM telearnasynyń aqparaty boıynsha, zardap shegýshiler arasynda meshittiń ımamy bar.
Polıtsııa kúdiktini birneshe saǵat boıy izdep, onyń denesin kóliginiń mańynan tapty. Onyń jeke basy anyqtaldy, nelikten oq atqany tekserilip jatyr. Frantsııa ishki ister mınıstri Krıstof Kastaner dinı ǵımarattar ornalasqan aımaqtardy jiti baqylaýǵa alýdy tapsyrdy.
