Frantsııada mektep avtobýsy men júk kóligi soqtyǵysty: alty bala opat boldy
BRıÝSSELЬ. QazAqparat - Búgin tańerteń Frantsııada mektep avtobýsy men júk kóliginiń qatysýymen jol-kólik apaty boldy. Apat saldarynan alty bala qaza taýyp, shamamen úsh adam, sonyń ishinde avtobýs júrgizýshisi jaraqattar aldy.
Avtobýstyń Frantsııanyń batysynda Prımorelik Sharanta departamentiniń Il-Oleron jáne Sıýrjer qalalarynyń arasynda júrip turǵany atap ótiledi.
Kýágerlerdiń aıtýynsha, shaqpaqtas tasymaldap kele jatqan júk kóliginiń qozǵalysy kezinde tirkemesi ajyrap, avtobýsqa soǵyldy.
Avtobýstyń ishinde 17 adam bolǵan. Oqıǵa ornynda apattyq-qutqarý qyzmetteri men polıtsııa jumys isteýde.
Frantsııa prezıdenti Fransýa Olland qaza tapqandardyń otbasylaryna kóńil aıtyp, óz halqynyń tilektestigine sendirdi.
Eske sala keteıik, bul Frantsııada eki kúnniń ishinde balalardy tasymaldaǵan kóliktiń qatysýymen adam ólimimen aıaqtalǵan ekinshi oqıǵa. Sársenbi kúni el shyǵysynda balalar avtobýsynyń júrgizýshisi qar basqan jolda kólikti basqara almaı, joldan shyǵyp ketip, aýdaryldy. Oqıǵa saldarynan eki oqýshy qaza taýyp, jeteýi jaraqattandy.
