Frantsııada maımyl sheshegine qarsy vaktsınalaý qarqyndy júrgizilýde

BRıÝSSELЬ. QazAqparat – Maımyl sheshegine baılanysty Eýroodaqtyń keıbir elderi osal toptar arasynda vaktsına sala bastady, dep habarlaıdy QazAqparat menshikti tilshisi.

Belgııanyń VRT telearnasy habarlaǵandaı, Belgııanyń birneshe ondaǵan turǵyny maımyl sheshegine qarsy vaktsına úshin kórshi Frantsııaǵa barǵan. Olar ekpe alý úshin Frantsııanyń soltústigindegi shekarada ornalasqan Lıll qalasyna baryp júr. Frantsııada vaktsına alý sharty Belgııadaǵydaı qatań emes.

Er adamdarmen jynystyq qatynasqa túsken erkekter, transgenderler men seks-bıznes jumysshylary Frantsııa úkimetiniń talaptaryna sáıkes keledi. Belgııada vaktsına bastalǵan maqsatty toptar sany shekteýli. Qazirgi kezeńde vaktsınaǵa mynalar quqyly: AITV dıagnozy rastalǵan er adamdarmen jynystyq qatynasqa túsken er adamdar, sondaı-aq erler men transgenderlik seks-jumyskerler, ımmýn tapshylyǵy jáne juqtyrý qaýpi joǵary adamdar, sondaı-aq vırýspen jumys isteıtin zerthana qyzmetkerleri.

Qazir búkil Frantsııada maımyl sheshegine qarsy vaktsınalardyń 74 myń dozasy bar. Belgııada qazan aıyna deıin 3040 doza rezervi bar.

Foto: inbusiness.kz