Frantsııada lańkes sýpermarkette adamdardy kepilge alǵan
ASTANA. QazAqparat - Juma kúni Frantsııanyń ońtústik-batysyndaǵy Od departamentiniń Treb kommýnasyndaǵy sýpermarketterdiń birinde lańkes adamdardy kepilge alǵan. Bul jaıly «Frans Press» agenttigi habarlady.
Derekterge qaraǵanda, er adam sýpermarketke kirip, oq jaýdyra bastaǵan.
Jergilikti prokýratýranyń málimdeýinshe, «sodyr ózin DAISh (Qazaqstanda tyıym salynǵan uıym - red.) lańkestik uıymyna tıesili ekenin» aıtqan. Keıbir málimetterge súıensek, qurbandar bar.
Lańkesti ustaýǵa 150 polıtseı jumyldyrylǵan. Arnaıy operatsııa júrgizilip jatqanyn jergilikti bılik te rastady.
