Frantsııada qutqarýshylar kateri aýdarylyp, 3 adam qaza tapty
NUR-SULTAN. QazAqparat - Frantsııanyń batys jaǵalaýynda qutqarýshylar kateri aýdarylyp, 3 adam qaza tapty. Bul týraly juma kúni Vandeıa departamentiniń prefektýrasy málim etti, dep habarlaıdy BFM telearnasy.
Qaıǵyly oqıǵa Le-Sabl-d'Olon portty qalasyna jaqyn mańda, jaǵalaýdan 800 metr aryda bolǵan.
Qazir qutqarý operatsııasy júrip jatyr. Qala meri telearnaǵa bergen suhbatynda qutqarýshylar komandasynyń úsh múshesi qaza tapqanyn aıtty. «Bizdiń qala úshin bul orny tolmas ókinish», - dedi ol.
Oǵan deıin Meteo France ulttyq meteorologııa qyzmeti teńizde asa qaýipti daýyldar turatynyn habarlap dabyl qaqqan bolatyn. Sınoptıkterdiń aıtýynsha, keı jerlerde jeldiń jyldamdyǵy sekýndyna 33 metrge deıin jetken.
