Frantsııada kópqabatty úıde bolǵan órtten 10 adam kóz jumdy

LION. QazAqparat – Jumaǵa qaraǵan túni Frantsııanyń Lıon qalasy mańynda kóppáterli úıde bolǵan órt saldarynan on adam kóz jumdy. Onyń beseýi – balalar, dep habarlaıdy QazAqparat VVS-ge silteme jasap.

Taǵy tórt adamnyń jaǵdaıy aýyr, on adam jeńil jaraqat aldy.

Reuters agenttiginiń habarlaýynsha, bılik Volks-an-Velın kommýnasyndaǵy jeti qabatty kóppáterli úıde túngi saǵat úshten keıin alapat órt shyqqany týraly málimdeme taratqan.

Ony 180-ge jýyq órt sóndirýshi óshirgen.

Frantsııanyń Іshki ister mınıstri Jerald Darmanen órttiń sebebi áli belgisiz ekenin aıtty.

Ol «óte qıyn jaǵdaıda» adamdardy qutqarǵan órt sóndirýshilerdiń jumysyn joǵary baǵalady.

Onyń aıtýynsha, kóz jumǵan balalardyń jasy úsh jastan 15 jasqa deıin bolǵan. Órttiń sebepterin anyqtaıtyn tekserý jumystary juma kúni bastalady.

«Birneshe nusqa bar, tergeý bastalady» - dedi mınıstr.

Ol sondaı-aq órt jaıynda prezıdent Emmanýel Makronmen de baılanysqa shyqqanyn aıtty.

Foto: bbc.com/r