Frantsııada komendanttyq saǵat engiziledi
PARIJ. QazAqparat – Frantsııa prezıdenti Emmanýel Makron pandemııanyń taralýymen kúres aıasynda sanıtarlyq talaptardy kúsheıtetinin jarııalady, dep habarlaıdy QazAqparat Euronews-ke silteme jasap.
El astanasy men aýrý juqtyrý deńgeıi joǵary Lıll, Grenobl, Lıon, Marsel, Monpele, Rýan, Týlýza jáne Sent-Eten sekildi iri segiz qalada senbi kúni saǵat 21:00-den bastap komendanttyq saǵat engiziledi. Bul rejım keminde tórt aptaǵa deıin sozylady. Úkimet Parlamentpen ony 1 jeltoqsanǵa deıin uzartýdy kelisýi múmkin.
Eger osy alty apta ishinde el turǵyndary sanıtarlyq shekteýlerge jaýapkershilikpen qarasa jáne ınfektsııanyń taralýyn toqtatý múmkin bolsa, onda jyldyń aıaǵynan bastap bul sharalardy birtindep jeńildetýge bolady», — dedi Makron.
Onyń aıtýynsha, dostardyń, jaqyn adamdardyń kezdesýleri, týǵan kún keshteri jáne taǵy da basqa keshki jıyn-toılar men merekelik keshter aýrý juqtyrý deńgeıiniń artýyna sebep bolyp otyr. Keshki toǵyzdan bastap barlyq bar, meıramhana, teatr men kınoteatr jabylýy tıis. Prezıdent komendanttyq saǵat engizilgen kezde atalǵan qalalardyń barlyq turǵyny óz úılerine qaıtady degen senimde.
