Frantsııada kóligimen jaıaý júrginshilerdi basyp ketken júrgizýshi 11 adamdy jaraqattaǵan
BRıÝSSELЬ. QazAqparat - Frantsııanyń shyǵysyndaǵy Djıon qalasynda jeksenbi kúni densaýlyǵynda psıhıkalyq aýytqýshylyǵy bar júrgizýshi «Allah akbar» dep daýystap, jaıaý júrginshilerdi kóligimen basyp ketken. Onyń bul áreketinen keminde 11 adam jaraqattandy, dep habarlady France Press agenttigi.
Oqıǵa 21 jeltoqsan kúni keshke oryn alǵan. Kólikti 1974 jyly týǵan er adamnyń aıdaǵany belgili boldy. Onyń aty-jóni atalmady. Boljam boıynsha, ol psıhologııalyq dertten zardap shekken. Qylmyskerdi polıtsııa qyzmetkerleri ol Djıon qalasynyń bes túrli jerinde jaıaý júrginshilerdi basyp ótpek bolǵan áreketinen keıin ustady.
«Toǵyz adam bolmashy jaraqat aldy, eki jaıaý júrginshiniń jaraqattary eleýli. Biraq qazir olardyń ómirlerine qaýip tónip turǵan joq», - dep habarlady derek kózi.
Bul oqıǵa Jýe-le-Týr qalasynyń polıtsııa komıssarıatynda «Allah akbar» dep daýystaǵan er adam tártip saqshylaryna shabýyl jasaǵannan keıin bir táýlikten soń boldy. Polıtsııa qyzmetkerleri ózderin qorǵaý maqsatymen jas jigitti atyp tastaǵan. Frantsııanyń ІІM basshysy polıtsııa qyzmetkerlerine jasalǵan qatygez shabýyldy sóge otyryp, sondaǵy polıtsııa qyzmetkerleriniń kásibı sheberligi men salqynqandylyǵyn atap ótti.
