Frantsııada qoǵamdyq kólik tegin júredi
ASTANA. QazAqparat - Parıj bıliginiń sheshimimen Frantsııanyń soltústiginde aýanyń qatty lastanýy saldarynan qoǵamdyq kólikter aldaǵy úsh kúnde halyqty tegin tasıtyn bolady.
Qala turǵyndaryn avtokólikterin úıde qaldyryp, onyń ornyna metrony, avtobýstardy jáne velosıpedterdi paıdalanýǵa shaqyrdy.
Sonymen qatar Frantsııanyń ózge birqatar qalalary da osy tektes sharalar qabyldaǵany jaıynda jarııalady. Belgııadaǵy joldardyń basym kópshiliginde joǵary jyldamdyqqa shekteý qoıyldy. Kúnniń jylynýy men jeldiń bolmaýy osy óńirde tútinniń qoıýlana túsýine alyp keldi.
