Frantsııada keshe koronavırýstan rekordtyq adam ólimi tirkeldi
PARIJ. QazAqparat – Frantsııa sońǵy táýlikte 833 koronavırýstan qaıtys bolǵan. Bul elde pandemııa bastalǵan kezden bergi eń joǵary kórsetkish bolyp otyr, dep habarlaıdy QazAqparat VVS agenttigine silteme jasap.
Sońǵy málimetter boıynsha, Covid-19 koronavırýs ınfektsııasynyń jańa túrinen qaıtys bolǵandar sany - 8 911 adam, al aýrýǵa shaldyqqandar sany - 98 010 adam boldy.
«Biz bul epıdemııanyń sońyna deıin áli jetken joqpyz», - dep eskertti eldiń densaýlyq saqtaý mınıstri Olıve Veran.
Frantsııanyń Densaýlyq saqtaý mınıstrliginiń dúısenbi keshke jarııalaǵan málimeti boıynsha, sońǵy 24 saǵatta aýrýhanalarda 605 adam, al qarttar úıinde – taǵy 228 adam kóz jumǵan. Jansaqtaý bóliminde jatqan adamdar sany nebári 1,3 paıyz – 7072 adamǵa deıin ósti.
Veran el úkimetiniń koronavırýs ınfektsııasynan 27 paıyz adam kóz jumǵan qarttar úılerin tekserýdi bastaıtynyn málim etti. Resmı derekkózder boıynsha, dúısenbi kúni Italııada indetten qaıtys bolǵandar sany qaıta óse bastady. Onda vırýs qurbandarynyń álem boıynsha eń kóp sany tirkelip, 16 523 adamdy qurap otyr.
Pandemııa qurbandarynyń sany boıynsha ekinshi orynda turǵan Ispanııada kún saıynǵy adam ólimi sany tómendeı túsken. Tótenshe jaǵdaılar komıteti basshysynyń orynbasary Marııa Hose Serra koronavırýs órshýiniń qarqyny kóp aımaqtarda báseńdegenin habarlady. Ispanııada indetten jalpy alǵanda 13 055 adam qaıtys bolǵan.
