Frantsııada qazaqstandyq áskerı teńizshiler sýasty apparattardy qoldanýdy oqyp-úırendi
Sýasty apparattary sý túbiniń bederi, tunbanyń ústińgi qabatynyń qurylymy, sý túbinde zattar men bógetterdiń bolýy týraly aqparat jınaqtaý úshin arnalǵan. Avtonomdy sýasty apparattarynyń keıbir túrleri úlken tereńdikke batady jáne alańdyq túsirilimder, sýasty obektilerin, máselen, qubyrlardy monıtorıngileý, sýasty mınalardy izdestirý jáne zalalsyzdandyrý úshin paıdalanylady. Qazaqstandyq áskerı teńizshiler sýasty apparattardy óndirý zaýytyna bardy, olardyń júıesi men biligin zerdeledi, odan basqa, teńizde oqý operatsııalaryn, borttyq deńgeıdegi qyzmet kórsetýdi júrgizdi. «Oqý kúnderiniń birinde áskerı qyzmetshilerimiz teńizde mına izdeý boıynsha tolyq operatsııaǵa qatysty. Osy sýasty apparattary bıylǵy jyly Qazaqstan Respýblıkasy Qarýly Kúshteri Áskerı-teńiz kúshteriniń jaraqtandyrylýyna kelip túsedi dep kútilýde. QR QK Áskerı-teńiz kúshteri qarý-jaraǵynyń tolyqtyrylýy armııanyń jaýyngerlik qabilettiligin arttyrýǵa yqpal etetinin aıta keteıik. Jyl saıyn ÁTK-niń arsenaly zamanaýı tehnıkamen jańartylyp turady. Sońǵy jańartylǵan tehnıkanyń biri Nevsk keme qurastyrý zaýytynda óndirilgen sý jańa mına-tartqysh korabli boldy», delingen habarlamada.