Frantsııada qaskúnem qolynan eki adam ajal qushty
PARIJ. QazAqparat – Frantsııanyń batysyndaǵy Shole kommýnasynda qaskóıdiń shabýyly saldarynan eki adam qaza taýyp, taǵy bireýi aýyr jaraqat aldy, dep habarlaıdy QazAqparat Europe 1 radıostantsııasyna silteme jasap.
Radıostantsııa derekkózderiniń málimetterine qaraǵanda, polıtsııa qylmysqa kúdiktini ustady. Birqatar quqyq buzýshylyqtar jasaǵan 35-jastaǵy azamat quqyq qorǵaý organdaryna burynnan belgili bolǵan.
Tekserýdiń aldyn ala derekterine sáıkes qaskúnem aldymen úıine kirip bara jatqan adamǵa shabýyl jasaǵan. Qylmysker ony birneshe ret basynan uryp óltirgen. Budan keıin parkke baryp, onda 83 jastaǵy qartqa shabýyl jasaǵan. Qarııa aýrýhanaǵa jetpeı, jolda kóz jumǵan.
Qylmysker munymen toqtamaı, 81-jastaǵy keıýanaǵa qastandyq jasaǵan, oǵan dárigerler der kezinde kómek kórsetip, ajaldan aman alyp qaldy.
Polıtseıler qylmyskerdi páterine barǵan kezde tutqynǵa aldy.
